بتصحى الساعة 7 بسبب زقزقة العصافير؟
طب بسبب كده فكرت في مرة تقتل كل العصافير اللي في بلدك عشان تنام 8 ساعات في هدوء؟
- دي كانت خطة رئيس الصين (ماو تسي تونغ)
واللي كانت بتهدف على قتل كل العصافير في الصين بحجة إنها بتاكل المحاصيل الزراعية وبتفسد الأراضي
وبالفعل نفذ ده، وعمل كمان حملة مستهدفة الشعب والمسؤولين إنها لو لمحت أي عصفور أو أي طائر بياكل من الحقول يتقتل فوراً
- لكن ينقلب الحال ويضحك التوازن البيئي في وش (ماو تسي تونغ)
ويقوله : قتلت كل العاصفير اللي عندك .. طب خد الكم الهائل ده من الحشرات اللي هتتفذى على الأراضي الزراعية
وكمان هتفضل تتكاثر لإنها مش لاقية فريسة تصتادها
- وه كان سبب قاتل من ضمن أسباب "مجاعة الصين الكُبرى" (Ghina famine)
واللي فضلت لمدة 3 سنوات متواصلين
من بداية عام 1959 لحد عام 1961
3 سنوات مات فيهم ما يُعادل 45 مليون من سكان الصين
- ويجي على رأسهم تاني سبب وهو :
1- تنظيم الزراعة في الكوميونات وزراعة قطع الأراضي المملوكة للقطاع الخاص محظورة
2 تحديد إنتاج الحديد والصلب كشرط أساسي للتقدم الاقتصادي
3- طلب ملايين الفلاحين من العمل الزراعي للانضمام إلى القوى العاملة لإنتاج الحديد والصلب
- كمان من أسباب المجاعة الكبرى في الصين ..
1- قيام المخططين بتحويل الأراضي من الحبوب إلى المحاصيل الاقتصادية زي : (القطن .. قصب السكر .. والبنجر)
2- وتحويل أعداد كبيرة من العمال الزراعيين إلى قطاعات صناعية
وده زاد من الطلب الحكومي على الحبوب المشتراة من الريف
3- دفع القيادة الصينية إلى تسريع صادرات الحبوب لتأمين المزيد من العملات الأجنبية لشراء السلع اللازمة للصناعة
- تزامنت التغييرات الضارة جذرياً دي كلها في التنظيم الزراعي مع أنماط الطقس الضارة
- بما في ذلك الجفاف والفيضانات في يوليو 1959 غمر النهر الأصفر في شرق الصين
- ووفقًا لمركز الكوارث .. الفيضان قتل مباشرة مليون شخص من خلال الجوع بسبب فشل المحاصيل، أو الغرق
- لكن (فرانك ديكوتر) كان عنده وجهة نظر صريحة تانية :
وهي إن معظم الفيضانات مكانتش بسبب الطقس الغير طبيعي
ولكن كانت بسبب أعمال الري الضخمة سيئة التخطيط والمنفذة بشكل سيء من قبل المسؤولين عن التنظيم والمخططين
- كمان من أبرز الأسباب اللي ساهمت في المجاعة هو إن في عام 1960 60% من الأراضي الزراعية في شمال الصين منزلهاش أي أمطار على الإطلاق
- كمان أشارت الحولية السنوية لموسوعة "بريتانيكا" من عام 1958 إلى عام 1962 كان في طقس غير طبيعي
- يليها الجفاف والفيضانات بناءً على مصادر الحكومة الصينية، وشمل ذلك 760 مم (30 بوصة) من الأمطار في هونغ كونغ على مدار 5 أيام في يونيو 1959
وهي جزء من نمط ضرب جنوب الصين كله
- نتيجة لده إنخفض إنتاج الحبوب سنة بعد سنة في الصين
- إنخفض الحصاد بنسبة 15٪ في عام 1959
- وبحلول عام 1960 كان في 70٪ من مستوى عام 1958 لم يكن هناك انتعاش حتى عام 1962
بعد ما أعلنت الحكومة المركزية "القفزة الكبرى للأمام"
- وحسب الكتاب الإحصائي السنوي للصين (1984) إنخفض إنتاج المحاصيل من 200 مليون طن في عام 1958 إلى 143.5 مليون طن في عام 1960.
______________________________
كتب: محمد فريد
تعليقات: 0
إرسال تعليق